Friday, April 8, 2016

Mama wa familia iliyouawa katika ajali ya kifusi iliyoua watu watano jijini Dar es Salaam wakiwemo baba na watoto wake wawili na binti wao wa kazi, Gaudensia Ephraim alinusurika baada ya yeye kudamkia katika biashara yake ya kukaanga maandazi.

Mume wa Gaudensia, Ephraim Manguli (47), watoto wake wawili Danford (5) na Fredy Ephraim (2) pamoja na binti wao wa kazi aliyetambulika kwa jina moja la Mariam, walikufa baada ya nyumba walimokuwa wakiishi kufunikwa na kifusi kwenye eneo la Kawe katika Manispaa ya Kinondoni, Dar es Salaam juzi asubuhi.

Baba mzazi wa Ephraim, Mzee Philemon Manguli alisema kama isingekuwa biashara hiyo na mkwewe angefariki katika ajali hiyo iliyotokea alfajiri ya Jumatano Aprili 6, mwaka huu na kusababisha vifo hivyo.

Alisema Gaudensia hufanya biashara ya kukaanga maandazi hivyo alidamka alfajiri kwenda katika biashara yake na wakati yupo huko alitaarifiwa kutokea kwa ajali hiyo na alipofika nyumbani akakuta nyumba imeanguka na familia yake imefukiwa.

“Mkwe wangu yeye hufanya biashara ya kukaanga maandazi, na wakati ajali inatokea tayari alikuwa katika biashara yake mtaa wa pili na alipoarifiwa na kurudi nyumbani ndio akakuta ajali hiyo ambayo iliua mumewe, watoto wawe wawili, binti yake wa kazi pamoja na mjukuu wa mwenye nyumba walimokuwa wakiishi,” alisema.

Akizungumza kwa niaba ya mkwewe ambaye hakuwa katika hali nzuri ya kuzungumza, Manguli alisema huenda mkwewe angefariki kama angekuwa ndani alfajiri ile, ila biashara yake ndiyo imemuokoa.

Manguli ameliambia gazeti hili kuwa msiba huo wa kijana wake aliyekuwa akifanya kazi katika kampuni ya ulinzi ya Mahela Night Wash imempa jeraha ambalo hatokaa kulisahau maishani mwake.

“Siamini hadi sasa kama mwanangu amefariki pamoja na wajukuu zangu Danfod na Fredy, lakini ndio hivyo ni mapenzi ya Mungu, ila sijui la kufanya,” alisema kwa huzuni Mzee Manguli.

Alisema jambo lingine la kusikitisha kwao ni namna misiba ilivyomuandama kwani wiki moja iliyopita hapo hapo nyumbani kwake alifariki mdogo wake na kusafirisha hadi kijijini kwao Mahenge mkoani Morogoro kwa maziko.

“Ijumaa iliyopita mimi na marehemu mwanangu, tumerudi kutoka Mahenge kumzika baba yake mdogo, na leo tena matanga yamerejea hapa hapa kwangu,” alisema Manguli.

Kuhusu taratibu za mazishi, msemaji wa familia hiyo, Mchungaji Geoffrey Masanju alisema maandalizi yanaendelea na kutokana na hali ngumu ya familia hiyo kwa sasa kutokana na kufululiza kwa misiba hiyo, wanatarajia kuzika Jumamosi katika makaburi ya Kinondoni.

“Mazishi yanataraji kufanyika Jumamosi katika Makaburi ya Kinondoni, lakini kubwa zaidi tunasubiri michango kutoka kwa ndugu na jamaa pamoja na Ofisi ya Mbunge wa Kawe ili kufanikisha mazishi haya,” alisema Mchungaji Masanju.

Masanju alisema mawasiliano baina yao na wazazi wa binti wa kazi aliyemtaja kwa jina la Mariam mwenyeji wa Musoma mkoani Mara yanaendelea ili kufahamu kama naye atazikwa pamoja na wenzake au atasafirishwa ijapokuwa uwezo wa kusafirisha kama wao kwa sasa ni mdogo.

Alisema msaada mkubwa wanaoutegemea wa kufanikisha maziko hayo ni kutoka kwa Mbunge wa Kawe, Halima Mdee ambaye tangu kutokea kwa tukio alituma mwakilishi wake ili kusaidiana na familia.

News alert:Rais Magufuli Amteua Bwana G. Byakanwa Kuwa Mkuu Wa Wilaya Ya Hai
08 Apr 2016
Taarifa Kutoka JWTZ Kuhusu Wanajensi wa Tanzania Kutuhumiwa Kuhusika na Unyanyasi wa Kingono Congo
08 Apr 2016
Madiwani Shinyanga wabariki mradi wa mashoga na machangudoa
08 Apr 2016
Video:Mkurugenzi Wa Halmashauri Ya Hanang Asimamishwa Kazi
08 Apr 2016
Video:Kikwete azungumzia Maisha yake baada ya kustaafu
08 Apr 2016

KESI YA KAMISHINA WA ZAMANI WA TRA NA MISS TANZANIA YAENDELEA TENA LEO

Posted by Williammalecela.com on Friday, April 08, 2016

April 01 2016 Serikali iliwapandisha kizimbani kamishna wa zamani wa Mamlaka ya Mapato Tanzania ‘TRA’ Harry Kitilya, mshindi wa taji la Miss Tanzania 1996 ambaye pia alikuwa afisa mwandamizi wa benki ya Stanibic tawi la Tanzania Shose Sinare na Sioi Solomoni kwa tuhuma mbalimbali zikiwemo za kula njama kutenda kosa pamoja na kosa la kughushi na kujipatia fedha kwa njia ya udanganyifu.

Kesi imesikilizwa tena leo mahakama ya hakimu mkazi Kisutu jijini Dar es salaam ambapo baada ya kusikilizwa kwa muda wa takribani masaa matatu, kesi hiyo imeahirishwa mpaka April 22 itakapotajwa tena na watuhumiwa wamerudishwa rumande.

Sioi Solomoni

Harry Kitilya

Shose Sinare

Marekani Kusimamia Miradi ya Kijamii Pemba.

Mkuu wa Wilaya ya Mkoani Pemba,Mhe Hemed Suleiman Abdalla , akikata Utepe kuashiria kufunguwa jengo la madarasa sita huko katika Kijiji cha Matale , lilijengwa na Serikali ya Marekani kupitia Jeshi lake.

Msimamizi wa Miradi wa huduma za Kijamii inayosimamiwa na Jeshi la Marekani, LT. Ruben Lopez, akitowa maelezo juu ya ujenzi wa mradi wa skuli hiyo iliogharimu Dola za Kimarekani 226,000/=.

Msimamizi wa Miradi ya Huduma za Kijamii, inayosimamiwa na Jeshi la Marekani Kisiwani Pemba LT, Ruben Lopez, akikaguwa Ujenzi wa Mradi huo wa jenzi wa ukuta wa kuzuwia mmomonyoko wa ardhi katika Skuli ya Matale Pemba.(Picha na Bakar Mussa-Pemba.)

No comments:

Waziri Ummy Mwalimu azindua Duka la Dawa la MSD Kanda ya Mbeya

Na Rabi Hume.

Waziri wa Afya, Ustawi wa Jamii, Jinsia, Wazee na Watoto, Mhe. Ummy Mwalimu amefanya uzinduzi wa duka la dawa la Bohari Kuu ya Dawa (MSD) kwa Kanda ya Mbeya.

Akizungumza katika uzinduzi huo, Waziri Mwalimu amesema uzinduzi wa duka hilo ni sehemu ya jitihada zinazofanywa na serikali ya Rais Magufuli kuwatia wananchi huduma bora na kwa gharama nafuu.

“Neema hii imekuja kwa kipindi cha Rais Magufuli, sasa amekidhi matakwa na shauku ya wananchi wa Mbeya kwa kuwapa duka la dawa, “Sera ya huduma ya afya inataka wananchi wachangie isipokuwa wazee, watoto na wajawazito na kupitia duka hili wananchi wataweza kupata dawa kwa gharama nafuu,” amesema Mhe. Mwalimu.

Duka hilo la dawa la Kanda ya Mbeya limetumia Shilingi Milioni 13 kwa ukarabati wa jingo na vifaa vyake.

Mh.Ummy Mwalimu akionesha moja ya dawa inayouzwa dukani hapo kwa shilingi 7,000 ambapo kwenye maduka binafsi inauzwa shilingi 25,000,kushoto ni Mkurugenzi Mkuu wa MSD, Laurine Bwanakunu na kulia ni Mfamasia wa duka hilo, Cornel Mkeng'e.

Mfamasia wa Duka la Dawa, Cornel Mkeng'e akitoa maelezo kwa Mh.Ummy Mwalimu mara baada ya kuzindua duka hilo.

Waziri wa Afya, Ustawi wa Jamii, Jinsia, Wazee na Watoto, Mhe. Ummy Mwalimu akiangalia jinsi ya ufungashaji wa dawa kwenye ghala jipya la Kanda ya Mbeya.ghala hilo limelozinduliwa leo jijini Mbeya.

Waziri wa Afya, Ustawi wa Jamii, Jinsia, Wazee na Watoto, Mhe. Ummy Mwalimu akipata maelezo jinsi ya utunzaji dawa kwenye ghala hilo.

SENDEKA: LOWASSA ANADANGANYA WATANZANIA KUTAFUTA MASLAHI KISIASA

0 Haki Ngowi Friday, April 08, 2016

Ole Sendeka akizungumza leo, Ofisi Ndogo ya makao makuu ya CCM, Lumumba Dar es Salaam.Picha na

NA BASHIR NKOROMO

Chama Cha Mapinduzi (CCM) kimesema, Rais Dk. John Magufuli hatafuti umaarufu, isipokuwa anachapa kazi ili kuwaetea maendeleo Watanzania.

Hayo yamesemwa na Msemaji wa CCM, Christopher Ole Sendeka akijibu baadhi ya hoja zilizotolewa na Waziri Mkuu aliyejiuzulu kwa tuhuma za ufuisadi, Edward Lowassa, kuhusu masuala mbalimbali ya kitaifa ikiwemo hali ya kisiasa nchini, kuachisha kazi watumishi wenye tuhuma mbalimbali na kile alichokiita tatizo la mfumo wa nchini, aliyosema katika mazungumzo yake na wanazuoni kutoka vyuo vikuu vya ndani na nje ya nchi, Aprili 7, 2016.

"Alichokifanya Ndugu Lowassa ni kutaka kuwaaminisha Watanzania masuala yasiyo sahihi kwa maslahi ya kisiasa, kwani ukweli ni kwamba; Mosi Rais John Magufuli hatafuti umaarufu, badala yake yeye na Serikali yake wanachapa kazi ili kuwaletea maendeleo Watanzania kwa jumla" alisema Sendeka na kuoneza;

"Pili, kuhusu suala la mfumo, Tanzania haina tatizo la kimfumo, kwani iliyopo ambayo iliwekwa na waasisi wa taifa hilo, Hayati Mwalimu Nyerere na Abeid Aman Karume ni imara na imekuwa ikiboreshwa kulingana na majitaji". KUSOMA TAARIFA RASMI > BOFYA HAPA --

Jeshi La Polisi Kanda Maalum Ya Dar Es Salaam Limefanikiwa Kuwakamata Watu 63 Wanaodhaniwa Kuwa Majambazi

na r d

Jeshi la Polisi Kanda Maalum ya Dar es salaam limefanikiwa kuwakamata watu 63 wanaodhaniwa kuwa majambazi wa kutumia silaha katika operesheni endelevu ya kuwasaka majambazi wanaofanya matukio mbalimbali.

Akizungumza na waandishi wa habari leo jijini Dar es salaam Kamishna wa Polisi kanda maalumu Simon Sirro aamesema, miongoni mwa majambazi waliokamatwa ni Ibrahim Juma(31) mkazi wa Kiwalani Kigilagila, Samweli Mbonea (40) Fundi gereji Mkazi wa Kiwalani pamoja na Anthony Kanywenywe (60) Mwindaji na mkazi wa Kiwalani.

Amesema majambazi hao walikutwa na taa kubwa nne za magari, pawa windo moja na nati za magari na watuhumiwa sita kati ya waliokamatwa wamekiri kushiriki katika matukio ya unyanganyi wa kutumia silaha katika maeneo mbalimbali likiwemo la Riki Hill Hotel katikati ya jiji na Lake oil Buguruni.

Katika tukio jingine kikosi maalumu cha kupambana na majambazi kimefanikiwa kukamata silaha sita aina ya SMG moja ,Short gun pump action tatu na Rifle mbili katika maeneo mbalimbali ya jiji la Dar es salaam.

Amesema silaha aina ya SMG iliyokatwa kitako ilipatikana baada ya askari kuwafyatulia risasi majambazi hao waliokuwa eneo la vingunguti ndipo walipoitupa silaha hiyo ikiwa kwenye mfuko mweusi wa plastiki na wao kukimbia katika bonde la Mto Msimbazi.

“Tunaendelea kuwatafuta watuhumiwa hao na upelelezi unaendelea ili kubaini mmiliki halali wa silaha hiyo. Hatupotayari kuendelea kuona maovu yakiendelea kufanyika, jeshi lipo imara na tutapambana nao,” alisema Sirro.

Ameongeza kuwa jeshi hilo pia lilifanikiwa kukamata silaha Rifle mbili katika eneo la Masaki ambazo zilikuwa zimefichwa na kufunikwa kwa taulo zikiwa na maandishi ya Collessium Fitness Club moja ikiwa na namba A 6777013 iliyosajiliwa nchini kwa namba TZCAR 58596, na nyingine ikiwa na namba L 691848176 iliyosajiliwa kwa namba TZCAR 75062.

Wakati huo huo Jeshi la Polisi Kanda maalum Dar es salaam limefanikiwa kukamata jumla ya risasi 15 za silaha ndogo aina ya bastola zikiwa kwenye magazine.

Risasi hizo alikutwa nazo mtu mmoja aliyefahamika kwa jina la Mamboleo Willium (41) Mfanyabiashara mkazi wa Mikocheni.

Katika mahojiano mtuhumiwa huyo alikiri kuwa na risasi hizo kinyume na sheria na kushindwa kueleza mahali alipozipata, mtuhumiwa anaendelea kushikiliwa na uchunguzi unaendelea kufanyika

<a href='http://mpekuzihosting.com/ads/www/delivery/ck.php?n=a5fa0220&cb=INSERT_RANDOM_NUMBER_HERE' target='_blank'><img alt='' border='0' src='http://mpekuzihosting.com/ads/www/delivery/avw.php?zoneid=3&cb=INSERT_RANDOM_NUMBER_HERE&n=a5fa0220'/></a> ;

millard ayo ✔ ‎@millardayo

#BREAKING Mbunge wa Nyamagana Stanslaus Mabula ameshinda Kesi ya kupinga matokeo ya uchaguzi dhidi ya Ezekiah Wenje

1:09 AM - 8 Apr 2016 · Tanzania, Tanzania

TUNAWEZA KUIMALIZA MALARIA - RAIS MSTAAFU JAKAYA KIKWETE

Friday, April 08, 2016 Maoni: 0

Na Mwandishi Maalum, New York

Rais Mstaafu wa awamu ya Nne, Mhe. Jakaya Mrisho Kikwete amesema, anaimani kubwa kwamba ushirikiano uliopo baina ya serikali mbalimbali barani Afrika, mashirika ya kimataifa, makampuni binafsi na kila mtu katika nafasi yake, hapana shaka ugonjwa wa malaria unaweza kumalizwa kabisa.

Mhe. Kikwete ameonyesha matumaini hayo jana( alhamisi) wakati wa hafla ya kuadhimisha miaka 10 tangu kuanzishwa kwa jitihada za kuutokomeza ugonjwa wa malaria ( Malaria No More) zilizoanzishwa na Bw. Ray Chambers akishirikiana na Bw. Peter Chernin.

Katika hafla hiyo na ambayo mshereheshaji alikuwa Bw. Wolf Blitzer mtangazaji maarufu wa Televisheni ya Kimataifa ya CNN kupitia kipindi chake cha situation Room, Rais mstaafu alitunukiwa tuzo ijulikanayo kama White House Summit Awards ikiwa ni kutambua uongozi wake, kujitoa kwake na kubwa zaidi kusimamia uanzishwaji wa muungano wa viongozi wa Afrika dhidi ya Malaria ( ALMA) muungano ambao hadi sasa una viongozi 49.Wengine waliotunukiwa tuzo hiyo ni Bw. Ray Chambers na Sumitomo Chemical.

Akijibu swali la nini anadhani kumechangia katika kupunguza idadi ya vifo vitokanavyo na ugonjwa wa malaria. Rais mstaafu amesema, zipo sababu kadhaa, lakini kubwa ni utashi wa kisiasa wa kusimamia na kuongoza mapambano dhidi ya ugonjwa huo.

Akawaeleza wageni zaidi ya 250 walioalikwa wakiwa ni wawakilishi wa makapuni na mashirika mbalimbali yanayochongia juhudi za kuukabili ugonjwa wa malaria. Kwamba, Upatikanaji na usambazani wa dawa sahihi za kutibu ugonjwa wa malaria, utengenezaji, usambazaji na matumizi ya vyandarua vyenye viatilifu na unyunyiziaji wa dawa za kuuwa mazalia ya mbu ni mambo ya msingi ambayo yamechangia katika kupunguza vifi vya watoto chini ya miaka mitano.

“mchanganyiko wa mambo hayo matatu umesaidia sana kupunguza idadi ya watoto wanaofariki kwa malaria, lakini pia matumizi ya vyandarua vyenye viatilifu ambapo zaidi ya vyandarua milioni 24.2 vimesambazwa, kumechangia wanafunzi kuendelea na masomo yao bila kukatishwa mara kwa mara sababu ya malaria, halikadhalia nguvu kazi imeimarika”. akasisitiza Rais Kikwete na kushangiliwa na wageni waalikwa.

Mwanzilishi wa Malaria no More, Bw Peter Chernin akimkabidhi Mhe. Rais Mstaafu, Kikwete tuzo ya White House Summit Awards ikiwa ni kutambua na kuthamin mchango na uongozi wake katika jitihada za kuukabili ugonjwa wa malaria, wengine waliopewa tuzo hiyo ni Bw. Ray Chambers na Kampuni ya Sumitomo Chemical ambayo imejenga kiwanda cha vyandarua cha A-Z Arusha Tanzania.

Rais Mstaafu Mhe. Jakaya Mrisho Kikwete akielezea juhudi zilizofanywa na serikali ya Tanzania katika kuukabili ugonjwa wa malaria, ilikuwa wakati wa hafla ya miaka 10 ya Malaria no More iliyofayika jana alhamis New York Marekani, Mhe. Kikwete amealikwa katika hafla hiyo kutokana na mchango wake mkubwa katika pamoja na mengin kuwahamasisha viongozi wa Afrika kuongeza juhudi za kisera, kimkakati na bajeti hali ambayo imechangia sana katika kupunguza vifo vya watoto chini ya miaka mitano. pamoja naye ni Bw. Peter Chernin, Bw. Ray Chambers na mwezeshaji, Bw. Wolft Blitzer wa CNN.

Mhe. Rais Mstaafu katika mkutano na Bodi mpya ya Malaria no More muda mfupi kabla ya kuanza kwa hafla ya miaka 10 ya Malaria No More.

Sehemu ya Wageni zaidi ya 250 kutoka masharika na makampuni mbalimbali ambako ni sehemu ya wadau wa kubwa wanaochangia juhudi za kutokomeza na kudhibiti ugonjwa wa malaria.

Burudani pia ilikuwapo.

HABARI ZAIDI BOFYA HAPA

Maalim Seif asusa hitima ya Karume

A+ A-

Print Email

KATIBU Mkuu wa CUF, Maalim Seif Sharif Hamad, ameanza rasmi azma yake ya kutoshiriki mikusanyiko ya kitaifa, ikiwa hatua ya kutekeleza msimamo wa chama chake wa kutoitambua Serikali ya Mapinduzi ya Zanzibar, inayoongozwa na Dk. Ali Mohamed Shein.

Maalim Seif alifanya hivyo, baada ya kususia hitima ya kumkumbuka Sheikh Abeid Amani Karume, aliyeuawa Aprili 7, 1972 na wapinga maendeleo.

Mkusanyiko wa viongozi wa kitaifa ulianza saa tatu asubuhi na kuhudhuriwa na Rais Dk. Shein na Rais wa Jamhuri ya Muungano wa Tanzania, Dk. John Pombe Magufuli, aliyewakilishwa na Makamu wa Rais, Samia Hassan Suluhu.

Wengine waliokuwapo ni Makamu wa Pili wa Rais, Balozi Seif Ali Iddi, Rais mstaafu Ali Hassan Mwinyi, Rais mstaafu wa Zanzibar, Dk. Amani Abeid Karume, Waziri Mkuu mstaafu Dk. Salim Ahmed Salim na Makamu wa Rais mstaafu, Dk. Mohamed Gharib Bilal.

Mkuu wa Mkoa wa Mjini Magharibi, Abdallah Mwinyi Khamis, alisema viongozi wote wastaafu walipewa mialiko akiwaemo Maalim Seif lakini hadi shughuli hiyo inamalizika, hakutokea ikiwa ni mara ya pili baada ya kususia sherehe za miaka 52 ya Mapinduzi zilizofanyika Januari 12, mwaka huu.

“Viongozi wote wana mialiko maalum. Hata Maalim Seif amepata mwaliko wake, lakini suala la kuhudhuria au kutohudhuria ni hiari ya mwalikwa mwenyewe” alisema.

Msemaji wa CUF, Hamad Masoud, alisema hafahamu kama Maalim Seif amealikwa katika hitima hiyo, lakini anakumbuka mwaliko alioupokea ni ule wa uzinduzi wa Baraza la Wawakilishi, lakini kutokana na msimamo wa CUF hakuna kiongozi aliyehudhuria kutokana na kutoitambua Serikali ya Dk. Shein.

Hata hivyo, alisema Maalim Seif yuko Zanzibar tangu kukamilika kwa vikao vya baraza kuu la uongozi na kutoa msimamo wa kutoitambua serikali iliyoko madarakani, kupingia kufanyika kwa uchaguzi wa marudio baada ya ule wa Oktoba 25, mwaka jana, uliofutwa na Mwenyekiti wa Tume ya Uchaguzi ya Zanzibar(ZEC), Jecha Salim Jecha.

Wakizungumza kwa nyakati tofauti baada ya kukamilika kwa hitima hiyo, wanasiasa wakongwe Zanzibar na viongozi wa dini walisema wakati huu Zanzibar ikiwa katika mpasuko wa kisiasa, wananchi wanapaswa kulinda amani na umoja wa kitaifa katika kumuenzi Rais wa Kwanza wa Zanzibar, Mzee Abeid Amani Karume.

Askofu wa Kanisa Katoliki Jimbo la Zanzibar, Augustino Shayo, alisema Karume atakumbukwa kutokana na tabia yake na mifano aliyoionesha katika uongozi wake. Alisema wakati wa uongozi wake, alisaidia watu masikini wawe na maisha bora.

Alisema ni jambo la kusikitisha wakati huu kumuenzi Karume, mwasisi wa Zanzibar huru, huku Zanzibar ikiwa na mpasuko mkubwa wa kisiasa.

Naye Balozi Ali Abeid Karume, mtoto wa Mzee karume, alisema CUF imefanya kosa kubwa kuwanyima haki wanachama wake kuchagua viongozi kwa vile wameingilia uhuru binafsi wa mtu kidemokrasia.

Aliwaasa wananchi kuendeleza ushirikiano kama hatua ya kumuenzi Mzee Karume katika kujenga amani na umoja wa kitaifa kama alivyokuwa akipigania wakati wa uhai wake.

Viongozi wengine waliohudhuria hitima hiyo ni Spika wa Baraza la Wawakilishi, Zubeir Ali Maulid, Mufti wa Tanzania Abubakar Zubeir, Katibu wa Mufti wa Zanzibar Sheikh Fadhil Soraga, Spika wa zamani Pandu Ameir Kificho, na Mjane wa Rais Karume, Mama Fatma Karume.

Karume aliuwawa kwa kupigwa na risasi na mlinzi wake, Luteni Humud Mohamed Humud, wakati akicheza dhumna.

Alikuwa pamoja na aliyekuwa Katibu Mkuu wa ASP, Sheikh Thabit Kombo Jecha, ambaye alijeruhiwa kwa risasi, katika shambulio hilo lililofanywa na wapinga maendeleo wa Zanzibar.

Kamatakamata ya machangudoa ilikua ni nguvu ya soda?

Wanajamii habari zenyu? Hivi zoezi la kuondoa machangudoa na kakapoa barabarani lilikuwa nguvu ya soda?

Mbona huku barabarani ambako wanasimama hawa dadapoa bado ni usumbufu tuu.

Serikali (Mh. Makonda) wakianzisha zoezi lolote lenye tija kwa jamii tunaomba liwe endelevu.

Imefika hatua mpaka dadapoa wanakebehi kuwa viongozi wooote wa mkoa walishindwa kuwaondoa leo iweje Mh. Makonda aweze? Hii ni aibu.

Hebu onyesheni mnaweza jamani kunusuru raia kuambukizwa magonjwa ya ngono ukiwemo Ukimwi.

KATUNI LEO FACEBOOOK

FACEBOOK LEO KATUNI

13 mins ·

Katuni time😂 😂 😂

LikeShow more reactions

Comment

VOA60 Afrika: Vikosi vya upinzani Sudan kusini vya wasili Juba kuunda serikali ya mpito

Aprili 08, 2016

0:55

Vikosi vya upinzani Sudan kusini vya wasili Juba kuunda serikali ya mpito; Na, Chad inajiandaa kwa uchaguzi wa rais Jumapili, pale rais Idris Deby akitafuta kuongeza mda wa uwongozi wake wa miaka 26.

Juma Nature Amuonya KR Kuhusu Kubwia ‘Unga’

The Choice 4 hrs ago

Kwenye mahojiano ya mwisho kati ya KR Mulla na eNewz, KR alijitambulisha kama Raisi wa Radar Entertainment, ambayo inamilikiwa na TID, na siku za karibuni TID na KR wameonekana kuwa marafiki ukiachilia mbali kufanya kazi pamoja ndani ya Radar Entertainment.

Juma Nature ambaye aliwahi kufanya muziki ndani ya kundi la Wanaume Family pamoja na KR Muller ameamua kumpa onyo KR asije akashawishiwa na swahiba wake TID kuanza kutumia madawa ya kulevya yaani “Unga”. kutokana na stori zilizozagaa mjini kumjumuisha TID kwenye orodha ya wasanii wanaotumia madawa ya kulevya.
Zaidi Juma Nature alikataa kukubali kuwa KR ni Raisi wa Radar Entertainment kwa kuiambia eNewz kuwa “Hata huyo TID mwenyewe sio Rais, sasa KR ni Rais wa wapi? Rais ni Magufuli tu”. Alisema Msitu wa Vina Juma Nature.
Eatv.tv writer r d

MASTAA WA BONGO MATUMBO JOTO,UCHUNGUZI MZITO WAANZA JUU YAO.WAHAHA KILA KONA

Posted by Williammalecela.com on Friday, April 08, 2016

Imefahamika kuwa ule msako wa Wauza unga sasa umenoga hadi kufikia kuchunguzwa kwa mastaa mbali mbali wa bongo hasa wale wanaosafiri mara kwa mara nchi za nje.

..Habari zinasema uchunguzi huo sasa unamgusa mpaka mpenzi wa Diamond Platnumz ajulikanaye kama Zari Hassan ambae Safari za Bongo kwenda South Afrika na kurudi hazimuishi

KIGOMA - Tanzania Entertainment News,Politics News ...

Friday, April 8, 2016

Asimulia mkasa mzima wa vifo vya mumewe na watoto wake Kawe

Related Posts

Post a Comment Blogger Facebook

KESI YA KAMISHINA WA ZAMANI WA TRA NA MISS TANZANIA YAENDELEA TENA LEO

Marekani Kusimamia Miradi ya Kijamii Pemba.

No comments: