Friday, June 5, 2015

Vijana watakiwa Kuwaepuka Wanasiasa Matapeli

VIJANA wilayani Tarime wametakiwa kuepuka baadhi ya wanasiasa wanaowatumia na kuwafanya kuwa daraja la kupandia ili kupata vyeo kwa maslahi yao binafsi.

Kauli hiyo ilitolewa hivi karibuni na Naibu Katibu Mkuu wa Chama Cha Mapinduzi (CCM) Tanzania Bara, Mfaume Ally Kizigo, wakati wa ziara yake ya kuhamasisha uhai wa chama wilayani Tarime.

Alisema kuna haja vijana kuepuka wanasiasa wanaowatumia kwa maslahi yao binafsi, huku wakiwaacha mitaani wakitaabika.

Aliwatahadharisha kabla ya kujiunga na chama chochote cha siasa wafanye upembuzi wa kina kuangalia kitakachowavusha badala ya kukimbilia vyama kwa ushabiki.

Alisema baadhi ya vijana wamekuwa wakikimbilia vyama vya upinzani kwa ushabiki, jambo ambalo huwarudisha nyuma kimaendeleo.

“Fanyeni utafiti kabla ya kujiunga na chama chochote cha siasa, ukijiunga na chama kwa kufuata mkumbo mwisho wa siku utajutia,” alisema Kizigo.

Unahitaji chochote ninachokipata kisikupite? jiunge na mimi kwenye Twitter, Facebook na Instagram kwa kubonyeza hapa >>> Twitter Insta FB na nitakua nikikutumia kila ninachokipata pia usisahau kusubscribe YouTube kwa kubonyeza hapa >>>Videos ili kila video ya AyoTV ikufikie.

Tags : magazeti

Mwigizaji Ray Ateswa na Picha za Utupu

Supastaa kunako Bongo Muvi, Vincent Kigosi, ‘Ray’.

Chande Abdallah
Supastaa kunako Bongo Muvi, Vincent Kigosi, ‘Ray’ anateswa na tuhuma anazopata kutokana na mtu asiyejulikana kufungua akaunti feki ya Facebook yenye jina la Ray kisha kuposti picha za utupu.

Akizungumza na paparazi wetu, Ray alisema kuwa japokuwa ametoa ufafanuzi kupitia mtandao wake wa Instagram kuhusu picha hizo na akaunti hiyo feki, anashangaa kuona watu wanamuandama na kukomalia kwamba yeye anahusika.

“Yaani hii ishu inaniumiza na nimetoa ufafanuzi lakini sieleweki, naomba niseme kwamba mimi ni mtu ambaye najiheshimu sana, siwezi kufanya kitu kama kile mashabiki zangu waelewe hivyo tu,” alisema Ray.

Habari Njema..Wanachama wa DECI Waliotapeliwa Kulipwa Fedha zao

Wanachama wa Deci

Serikali imesema kuwa inafanya utaratibu wa kuwalipa fedha takribani Sh. bilioni 19 za waliokuwa wanachama wa Taasisi ya Development Entrepreneurship Community Initiative (Deci).
Waziri wa Fedha, Saada Mkuya, alisema fedha hizo zimehifadhiwa katika akaunti ya Benki Kuu (BoT) na kwamba kinachofanyika sasa ni uangalizi wa kiasi cha michango iliyochangwa na wanachama ili waweze kulipwa kwa usahihi.

“Bado fedha zinashikiliwa BoT uchambuzi unaendelea kufanywa kwa umakini wa hali ya juu, utakapokamilika wanachama wote waliochanga fedha watalipwa,” Mkuya.

Aidha, Waziri Mkuya alisema siyo jambo litakaloweza kuchukua muda mfupi kukamilisha mchakato wa malipo ya wanachama hao, kwani linahitaji muda wa kutosha kufanyiwa kazi kikamilifu, ingawa hakutaja kiasi kilichopo.

Mwaka 2009 serikali ilisitisha shughuli za Deci na kuwafungulia mashtaka wakurugenzi watano wa taasisi hiyo katika Mahakama ya Hakimu Mkazi Kisutu, jijini Dar es Salaam na Agosti 19, mwaka 2013, walihukumiwa.

Tamaa ya Kuwa na MAKALIO Makubwa Yamsababishia Kifo Msichana Huyu Mrembo

Ishu ya wasichana na wanawake kupenda kuongeza maumbile ya miili yao limekua kama ishu ambayo imechukua sana nafasi sehemu mbalimbali duniani.
Tunashuhudia watu wengi wakiongeza makalio kwa kusudi la kuwa wenye mvuto zaidi, na kumekuwepo na vidonge na sasa kuna sindano za kuongeza makalio.

Leo nimekutana na stori iliyotokea Los Angeles Marekani, ambako msichana Kelly Mayhew mwenye miaka 34 amefariki baada ya kufikishwa St.John’s Espiscopal Hospital, muda mfupi baada ya kuchomwa sindano ya kuongeza makalio.

Kelly Mayhew na mama yake walisafiri kutoka Maryland kwenda Rockaway, walikokua wameelekezwa na rafiki yake Kelly ili kwenda kuchoma sindano hiyo ambayo ilikua inatolewa kinyume na utaratibu… mtoaji wa huduma hiyo alijiita daktari lakini hakuwa amesajiliwa na alikuwa hatambuliki kisheria.

Baada ya kuchomwa sindano hiyo, Kelly alianza kupumua kwa shida, akawa anajitupa ovyo chini huku akiishiwa pumzi… baada ya kuhangaika kwa kama dakika ishirini hivi, Kelly alifariki akiwa kwenye mikono ya mama yake.. mpaka Polisi wanafika eneo hilo Daktari alikuwa tayari kashakimbia.

MASTAA NA UPEPO WA KISIASA BONGO!!!

05 Jun 2015 Super User

Gossip

27 times

0 comment

Na Hamida Hassan
Kuanzia Jumamosi iliyopita, viongozi mbalimbali wamekuwa wakijitokeza na kutangaza nia ya kugombea nafasi ya urais kupitia Chama Cha Mapinduzi (CCM).Hakika idadi ni kubwa lakini mwisho wa siku lazima apatikane mmoja ambaye atachuana na mgombea kutoka Ukawa.

Rose Ndauka.

Kutokana na hilo, mastaa wa hapa Bongo nao wamekuwa sehemu ya kutangaza nia kwa waheshimwa hao kwani wapo walioonesha wazi kuwa wanamuunga mkono nani huku wengine wakibaki na siri moyoni.Mwandishi wa makala haya amejaribu kuzungumza na baadhi ya mastaa hao kujua wako upande gani na wanazungumziaje upepo wa kisiasa kwa sasa.

Wastara Juma
Kiukweli sipendi sana mambo ya siasa lakini linapokuja hili la watangaza nia ya kugombea urais, naomba niseme tu kwamba nataka kuongozwa na mtu ambaye hatakuwa na tamaa ya kujinufaisha yeye.
Awe ni kiongozi asiyekuwa na njaa ambaye akiingia ikulu hataangalia tumbo lake na watu wake wa karibu bali kushughulikia matatizo ya wananchi.

Rose Ndauka
Ninaye ambaye ningependa awe rais wa nchi hii lakini kwa sasa siwezi kumuweka wazi. Hata hivyo, natamani apatikane mtu mwenye nia ya dhati ya kuiongoza nchi hii kwa haki.

Maimartha Jesse.

Maimartha Jesse
Mimi bwana ni Team Lowassa! Sababu ya kumuunga mkono kiongozi huyu ni kwamba, anajitambua na ni mtu anayeweza kuchukua maamuzi magumu.Mimi nina imani naye na naamini akipewa nafasi ya kuingia ikulu, mambo mengi yatakuwa sawa likiwemo hili la elimu ambalo limekuwa ni kipaumbele chake.

Miriam Jolwa - Kabula
Kwenye hili la urais nawaunga mkono watu wawili, kati yao akipita mmoja itakuwa poa tu. Kwanza ni Makongoro Nyerere ambaye ni mtu wa nyumbani lakini pia Lowassa ambaye licha ya mimi kumkubali pia anaonekana kukubalika kwa wananchi.

Ester Kiama.

Ester Kiama
Mchuano kwa sasa uko kwa Membe na Lowassa. Wote ni viongozi wenye sifa ya kuliongoza taifa hili vizuri tu.
Lakini sasa ukiniambia nichague mmoja nitasema Lowassa. Unajua kwa nini? Ni mtu ambaye amejitosheleza, hana shida kiasi kwamba hata akiingia pale ikulu hataanza kwanza kujikusanyia mali na fedha.

Kulwa Kikumba ‘Dude’
Mimi huniambii kitu kwa Lowassa. Ni mtu makini, ana nia thabiti ya kuliongoza taifa hili lenye matatizo kibao.

Halima Yahya ‘Davina’
Mimi siyo mshabiki wa mambo ya siasa na ndiyo maana hata upepo unavyokwenda mimi naona sawa tu. Ila kwa uzalendo lazima nitapiga kura na kiongozi atakayepitishwa na Chama Cha Mapinduzi basi nitampigia kura.

Mbali na mastaa hao waliojaribu kuweka wazi hisia zao, wengine walionekana kuchenga na kutotaka kusema wapo upande gani. Mastaa hao ni pamoja na Elizabeth Michael ‘Lulu’, Blandina Chagula ‘Johari’ Jacqueline Wolper, Jokate Mwegelo na Mahsein Awadh ‘Dk. Chen’.

- See more at: http://mtanzaniaforums.com/index.php/gossip/item/574-mastaa-na-upepo-wa-kisiasa-bongo#sthash.j2eYnyGE.dpuf

Mahakama yawaonya Prof. Lipumba na Halima Mdee

05 Jun 2015 Super User

Siasa

14 times

0 comment

MAHAKAMA ya Hakimu Mkazi Kisutu imewaonya Mwenyekiti wa CUF, Profesa Ibrahimu Lipumba na wenzake kwa kuchelewa na Mbunge wa Kawe, Halima Mdee kwa kutohudhuria mahakamani.

Washtakiwa hao walionywa kwa nyakati tofauti jana wakati kesi zao zilipokwama kuendelea kusikilizwa kwa sababu yao.

Kesi inayomkabili Profesa Lipumba na wenzake 31 ilitakiwa kuendelea kusikilizwa, lakini iliahirishwa kwa sababu hakimu anayeisikiliza, Cyprian Mkeha hakuwapo na washtakiwa walichelewa kufika mahakamani.

“Mahakama inatoa onyo kwa Profesa Lipumba na wenzako 31 kwa kuchelewa kufika mahakamani, utaratibu wa mahakama kesi zinaanza saa tatu kamili asubuhi, mnatakiwa kuheshimu muda sababu kila mtu anaishi mbali.

“Nimewapa onyo, kesi itaendelea Julai 10 mwaka huu washtakiwa wote mnatakiwa kuwahi,” alisema Hakimu Huruma Shahidi aliyeahirisha kesi hiyo.

Profesa Lipumba na wenzake wanakabiliwa na mashtaka ya kufanya maandamano bila kibali na kukaidi amri halali ya polisi iliyowataka kutawanyika Januari 27, mwaka huu.

Wakati huo huo, mahakama hiyo mbele ya Hakimu Mkazi Janeth Kaluyenda imemuonya Mdee kwa kutohudhuria mahakamani na kwamba iwapo hatafika Julai 6, mwaka huu itatoa hati ya kumkamata.

“Kinachoendelea ni maneno yasiyo na ushahidi, mshtakiwa hayupo na wadhamini hawapo, tutenganishe siasa na mahakama, ifike wakati tuheshimu mahakamani, hakuna sababu ya kuendelea na kesi kama mshtakiwa hayupo.

“Tarehe ijayo Julai 6 awepo mahakamani ili kesi iendelee kusikilizwa, iwapo hatafika sitajali mbunge wala katibu kata, nitatoa hati ya kumkamata,” alisema Kaluyenda.

Awali Wakili wa Serikali Mkuu, Benard Kongola akisaidiana na Joseph Maugo, waliomba mahakama itoe hati ya kumkamata mshtakiwa kwani sababu za kutofika mahakamani hazina msingi.

Wakili wa utetezi, Peter Kibatala akisaidiana na John Mallya walidai Mdee anahitaji ruhusa ya Spika wa Bunge ndiyo atoke bungeni.

Mbali na Mdee, washtakiwa wengine ni Renina Leafyagila na Sophia Fanuel.

Washtakiwa wengine, Rose Moshi, Anna Linjewile, Mwanne Kassim, Edward Julius, Martha Mtiko na Beatus Mmari waliachiwa huru.

Katika kesi ya msingi, ilidaiwa kuwa Oktoba 4, mwaka huu, katika Mtaa wa Ufipa, uliopo Kinondoni, jijini Dar es Salaam, isivyo halali, washtakiwa walikiuka amri halali ya Mrakibu wa Polisi (SP), Emmanuel Tillf iliyowataka kutawanyika.

Ilidaiwa kuwa siku na mahali lilipotokea tukio la kwanza, washtakiwa walifanya mkusanyiko isivyo halali kwa lengo la kuandamana kwenda Ofisi ya Rais wa Jamhuri ya Muungano wa Tanzania.

- See more at: http://mtanzaniaforums.com/index.php/siasa/item/575-mahakama-yawaonya-prof-lipumba-na-halima-mdee#sthash.afeV8VuZ.dpuf