Wednesday, May 20, 2015

Wastara: Hakuna na Mwanamke ‘Used’ Kama Hafai Kwako Kuna Mtu Kwake Huyo Mdada ni Malkia

Utamuacha Mwanamke fulani kwa kashfa zote na kejeli za kila namna kwamba hafai na haoleki ILA Mwanaume yule atamchukua na kudate nae na pengine atamuoa na wataishi kwa furaha na kuzaa watoto,atasahau hata kama uliwahi kuwa Boy wake na kashfa zako...Kapata Perfect Match yake....Mwanamke fulani ataachwa na wewe utakutana nae na kumpokea,na pengine utamuoa na kuishi kwa amani. Umepata Perfect match yako..Hii inaitwa Love Circle...

Hakuna Mwanaume wala Mwanamke 2nd hand/Used kwamba hafai...Kama hafai kwako kuna mtu kwake huyo mdada ni Malkia...Kama hafai kwako,kuna mdada anamtamani amfanye awe mfalme wake..

Binadamu hana Mshale wa kuonyesha kilomita ngapi katembea au ana listi ya watu mia ngapi!
Kuna watu wametumika kwelikweli,shusha engine mara 6 na kumwaga oil nyeusi,ila wameolewa na kutulizwa ndani..Wewe unayejiona mpya mpya unanukia Nylon bado unamanga manga...Haijalishi wewe ni Mpya au Used,when ur perfect match arrives, everything else about Past will be history!

By Wastara on Instagram

BENCHI la ufundi la Yanga chini ya Mdachi, Hans van Der Pluijm, limedaiwa kufanya maamuzi magumu ambayo kwa namna moja au nyingine, yatawashangaza wadau wengi wa klabu hiyo.

Imedaiwa kuwa kocha huyo ambaye ameiongoza Yanga msimu huu kutwaa ubingwa wa Ligi Kuu Bara, amependekeza wachezaji saba kuondolewa kutokana na mchango yao finyu msimu mzima, akiwemo mchezaji mkongwe wa klabu hiyo, Jerry Tegete na Danny Mrwanda aliyetua katika usajili wa dirisha dogo msimu uliopita akitokea Polisi Moro.

Habari za kuaminika kutoka Yanga zinasema kuwa mbali na Tegete na Mrwanda, nyota wengine ambao wamepitiwa na panga la kocha huyo mwenye msimamo mkali ni Nizar Khalfan, Rajab Zahir, Hussein Javu, Edward Charles na Hassan Dilunga.
Habari zinasema kuwa walio na mikataba watatolewa kwa mkopo, ambao ni Dilunga na Edward

“Kwa hali hiyo wachezaji hao hatutakuwanao tena msimu ujao kutokana na kocha kapendezeka waachwe waende wakatafute maisha sehemu nyingine ili nafasi zao tuweze kusajili wengine wenye uwezo na sifa za kuwa Yanga.

“Anataka msimu ujao kikosi chake kiwe chenye wachezaji wa ushindani ambao wataisaidia Yanga kufanya vizuri katika michuano ya ligi kuu na ile ya kimataifa, hivyo baada ya tathmini yake ya msimu uliomalizika, ameona nyota hao hawatakuwa na msaada, ndiyo maana amewependekeza waondoke zao,” kilisema chanzo hicho cha habari.

Alipoulizwa juu ya jambo hilo, Katibu Mkuu wa Yanga, Dk Jonas Tiboroha, alisema kuwa si muda wa kuzungumzia suala hilo na kwamba muda ukifika wataweka wazi kila kitu.“Tuvumiliane katika hili, muda ukifika kila kitu kitakuwa wazi,” alisema Tiboroha.Alipotafutwa Tegete jana mchana alijibu kwa kifupi: “Mimi sijazipata hizo taarifa (za kutemwa).” Kisha akakata simu.

ambia Kitu-Kitale

Picha: Siku Mashetani Yangu Yakinipanda Nitawambia Kitu-Kitale

Hii ni moja ya picha iliyosabisha mafuriko ya COMMENTS na LIKES mtandaoni. Hawa ni mastaa wa hapa Bongo, Kitale ‘mkudesimba’ na Vj Penny.

Kitale alibandika picha hii kwenye ukurasa wake na kuiandikia “Kuna siku mashetani yng yakinikalia vibaya nitawambia kitu” kisha kum- tag penny na kumalizia naneno haya….UfundiPelekaVeta ….MapenziAuPesa.

Mashbiki wengi walishusha komenti za kumtaka Kitale awambie hicho kitu, huku wengine wasimshauri achukue mrembo penny kwani watatengeneza bonge la COUPLE.

Kiufupi kila mtu aliandika lake lakini hadi sasa Kitale hakujibu komenti hata za mashabiki hao, tuendelee kuisubili hiyo siku mashetani yake yakimpanda.

Mzee wa Ubuyu

Aunty Ezekiel na Wema Sepetu Vilio Tupu, Wakutanishwa Laivu na Kuamua yafuatayo

Imelda Mtema
Baada ya kula viapo vya kutozikana, wasanii wawili wa filamu Bongo, Wema Isaac Sepetu ‘Madam’ na Aunt Ezekiel Grayson wamejikuta wakiangua vilio wakati wakipatanishwa na rafiki yao mkubwa ambaye ni pedeshee anayejulikana kwa jina la Daudi Mambya.

Habari kutoka kwa shuhuda wetu zilieleza kwamba, tukio hilo lilijiri wikiendi iliyopita kwenye Ufukwe wa Coco jijini Dar ambapo Daudi aliwaita kwa mwaliko wa mishikaki bila wenyewe kujua kinachoendelea.

Habari zilieleza kuwa, Daudi ambaye kwake huwa hawafurukuti, amekuwa akiumizwa mno na tofauti ya wasanii hao kwa sababu ni watu walikuwa wakipendana hivyo kugombana kwao kulikuwa kunaleta shida kwa marafiki zao wengine.
Imefahamika kwamba, Daudi alitumia ujanja wa kuzungumza na kila mmoja kwa wakati wake ambapo alibaini kuwa hakuna aliyekuwa tayari kupatana na mwenzake.

Ilisemekana kuwa, Daudi alitumia ujanja wa kitaalamu ili kila mmoja kumuweka sawa bila kujijua.
“Unajua Daudi ni rafiki yao sana, sasa hakuwa anapendezwa na tatizo ambalo limejitokeza hivyo alitumia njia tofauti ili kuweza kuwakutanisha pamoja tena waweze kupatana,” alieleza mtoa habari huyo.

Ilielezwa kwamba Daudi alianza kwa kumtafuta Wema na kumpeleka Coco Beach akimuambia kuwa anataka akamnunulie mishikaki huku wakati huohuo akimwambia Aunt naye wakutane ufukweni hapo.Shushushu wetu alizidi kufunguka kuwa Daudi alitangulia Coco na Wema, huku akifanya mawasiliano na Aunt na baada ya muda, Aunt naye aliwasili huku kila mmoja akibaki katika mshangao usioelezeka baada ya kukutana uso kwa uso.

Sosi huyo alisema kuwa Wema na Aunt walipoonana kila mmoja alikuwa kimya lakini Daudi aliamua kuwasomea risala ndefu iliyomwingia kila mmoja.Mambo yakipokaa vizuri, wawili hao walishuhudiwa wakiwa wamekumbatiana huku kila mmoja akiangua kilio kilichochukua takribani nusu saa hivyo kufanya eneo hilo kuwa kama kuna msiba.

“Yaani mpaka Daudi mwenyewe alidondosha machozi baada ya Wema na Aunt kukumbatiana na kuanza kulia.
“Yaani ilikuwa simanzi kubwa sana,” alimalizia shuhuda huyo.Akizungumza na gazeti hili, Daudi alisema kuwa aliamua kuwapatanisha wawili hao kwa kuwa alikuwa hapendezwi na tatizo hilo na kwamba wote ni rafiki zake.
Kwa upande wake, Aunt alifunguka ya moyoni:
“Tulipokutana kila mtu alijua tatizo lake na tukaona ni mambo ya kijinga, ikabidi tuweke tofauti pembeni maisha yaendelee.”

Wema alisema: “Mambo ya kugombanagombana hayana msingi na kwa vile ni mtu mzima (Daudi) aliwakutanisha, nikaona yaishe.”Wema na Aunt ambao walikuwa marafiki wakubwa waliingia kwenye mgogoro hivi karibuni baada ya Wema kumtuhumu Aunt kuunga mkono shoo ya Zari All White Party ya mwanadada Zari Hassan ‘Zari The Boss Lady’ ambaye ni mpenzi wa aliyekuwa mpenzi wa Wema, Nasibu Abdul ‘Diamond Platnumz’.

Huddah asema kamwe hawezi kumpost boyfriend wake Instagram kuhofia wajanja wasije kumpora

Huddah The boss chick amesema kuwa kamwe hatakuja kumuanika mpenzi wake kwenye mtandao wa kushare picha wa Instagram, kwa kuhofia kinadada wajanja wasije kumrubuni na kumnkurunziza kumpindua.

Mrembo huyo kutoka Kenya licha ya kuwa amewahi kushare picha za mwili wake ukiwa mtupu kabisa, amesema kuwa miongoni mwa vitu ambavyo hawezi kushare na followers wake zaidi ya laki 2, ni mpenzi wake, nyumbani kwake, kitanda chake pamoja na ndugu zake kwasababu huo ni upande wa maisha yake binafsi.

“Never! That is my private. Nyumba yangu, boyfriend wangu, mahali naweka kichwa nalala, utaona tu hotel niko vacation and all that, lakini mahali naweka kichwa changu nalala, na mtu aliyeuteka moyo wangu ni vitu ambavyo kamwe siwezi kuweka Instagram, hata familia yangu siwezi kuwaweka Instagram.” Alisema Huddah kupitia Amplifaya ya Clouds Fm.

Ameongeza kuwa picha nyingi ambazo huwa anaweka huwa ni za hotelini pamoja na zake mwenyewe, na haweki picha za mpenzi wake kuhofia wasichana wa mjini wasije kumrubuni na kumpora.

“Huwa naweka zangu tu, watu wanaona mimi mbinafsi kwasababu huwa siweka picha za watu wengine, kwasababu Instagram ina watu wengine wana matusi sana, wakati mwingine unaweza kuweka picha na rafiki yako wanamtusi rafiki yako, sasa imagine uweke mtu kama boyfriend wako halafu tena wasichana wana competition, wakiona ooh huyu ndio boyfriend wa Huddah, wanataka kumfatilia yule jamaa wanam Dm Dm huko ndani picha uchi zingine halafu bado wanakuja kunitusi, I don’t put my private life out there”. Udaku Special Blog

Rais Pierre Nkurunziza Asogeza Mbele Uchaguzi wa Wabunge Kwa Siku 10

Rais wa Burundi, Pierre Nkurunziza amesogeza mbele uchaguzi wa wabunge kwa siku 10 hadi Juni 5 mwaka huu kufuatia jaribio la mapinduzi.

Msemaji wa Rais, Willy Nyamitwe ameliambia Shirika la Habari la AFP kuwa kufuatia jaribio la mapinduzi la wiki iliyopita na vurugu zilizofuatia ni bora kusogeza mbele uchaguzi huo kwa muda.

"Uchaguzi huo wa wabunge ulikuwa umeratibiwa kufanyika Mei 26 mwaka huu lakini sasa inatubidi kuusogeza mbele mpaka Juni 5 mwaka huu ili kuwasikiza washirika wetu wa kimataifa pamoja na tume ya uchaguzi ambayo pia inatumia muda huo kutatua maswali yaliyoulizwa na vyama vya upinzani" alisema Nyamitwe.

Mpaka sasa tarehe rasmi ya uchaguzi wa urais uliopangwa kufanywa Juni 26 mwaka huu bado haijabadilika na nia ya Rais Nkurunziza kuwania urais kwa muhula wa tatu ipo palepale.

chanzo mpekuzi blog

Ni kawaida ya millardayo.com kukufikishia magazeti mbalimbali ya Tanzania kila siku asubuhi ambayo yanakupa nafasi ya kuzijua stori kubwa zote kutoka kurasa za mwanzo na mwisho kwenye magazeti ya Udaku, michezo na hardnews.

Unahitaji chochote ninachokipata kisikupite? jiunge na mimi kwenye Twitter, Facebook na Instagram kwa kubonyeza hapa >>> Twitter Insta FB na nitakua nikikutumia kila ninachokipata pia usisahau kusubscribe YouTube kwa kubonyeza hapa >>>Videos ili kila video ya AyoTV ikufikie.