Sunday, May 3, 2015

MTOTO WA FAMILIA YA KIFALME UINGEREZA ATOLEWA HOSPITALI

Mtoto wa kike wa Prince William na Kate Middleton aliyezaliwa jana.

Prince William na Kate Middleton wakiwa wamembeba binti yao.

Prince William na Kate Middleton wakitoka Hospitali ya St Mary jijini London.

Prince William na Kate Middleton wakiwaaga watu waliofika hospitali wakati wakielekea Ikulu ya Kensington.

Prince William akiwa amembeba mtoto wao wa kwanza, Prince George eneo hilo la hospitali.

Bado haijafahamika ni jina gani atapewa mtoto huyu.

MTOTO wa kike katika familia ya kifalme ya Uingereza ya Prince William na Kate Middleton aliyezaliwa jana ametolewa hospitali na kupelekwa nyumbani kwenye Ikulu ya Kensington.
Mtoto huyo wa kike ambaye ni wa pili katika familia hiyo alizaliwa jana Jumamosi katika Hospitali ya St Mary jijini London.
Familia hiyo mpaka sasa bado haijaamua mtoto huyo apewe jina gani.
Mtoto huyo ataendelea kubaki katika Ikulu ya Kensington ambapo leo anatarajiwa kutembelewa na Malkia wa Uingereza, Prince Charles na familia ya Kate.

Wellu Sengo Adaiwa Kutoka na Mume wa Mtu, Steven Nyerere

Kutangaza hapa piga : 0672965856

Saaaasa????? @stevenyerere2 ndo umeoa mke wa pili au?? Yaan mkeo anavyokupenda!!! Sehemu zote muhimu au outing badala ya kutoka na mkeo unatoka na huyo....jana mliman city pia mlikuwa wote...sasa kama vipi tutambulishane otherwise wanawake tutaandamana!! Ole wako useme ni movie..... .projects .BongoMovies!!!
@sengomatilda 1. Steve ni mume wa mtu! 2. Familia yake inamuhitaji! 3. Mkewe hayuko tayari kuvunja ndoa yake 4.Wewe ni mrembo unastahili upate wako 5. Steve ana maneno matamu ya kumvutia mtu, usimsikilize 6.Akikupigia simu usipokee...teh 7.Akikutext usimjibu.... Haya mpaka sasa hapa ni mtu na cousin wake au mchepuko? ??
1. @suzycleo mumy! Wewe ni mwanamke mzuri sifa zote za mke mwema unazo mtu yeyote asikuambie lolote khs ndoa yako. Pigania ndoa yako mumeo maarufu you know..watu kibao sasahivi wanaona kuna neema inamtembelea wanaanza kumnyemelea. Hizi zote ni baraka na matunda kutokana na kuwa mwanamke shupavu umekuwa na mumeo bega kwa bega iweje leo ndo mtu ale raha na mumeo wakati wewe ndo mwenye shamba?

Nachokushauri, mpende mumeo tena zaidi ya mwanzo, kama umesikia au kuona kitu ni kawaida kwenye ndoa kupata majaribu simama kama mama najua wajua udhaifu wa mumeo. ...mkamatie hapo! wakati ukifanya hayo usisahau kuomba juu yenu, Mungu ndo kila kitu. NDOA NA IHESHIMIWE NA WATU WOTE!!!

Nimekusogezea matokeo ya Simba vs Azam FC hapa

Posted by: Sports TZA May 3, 2015 Michezo

Wiki moja baada ya klabu ya Dar Young African kutawazwa kuwa mabingwa wa ligi kuu ya Vodacom, vita sasa imehamia katika kugombea nafasi ya pili katika ligi hiyo kati ya Simba na Azam.
Vilabu hivyo viwili vya jijini Dar Es Salaam, leo vilikutana katika dimba la uwanja wa taifa.
Mchezo huo uliomalizika hivi punde umeisha kwa Simba kutoka kifua mbele kwa kupata ushindi wa magoli 2-1.
Simba ndio ilianza kufunga goli katika dakika ya 48, kupitia kiungo hatari Ibrahim Ajjib, lakini muda mfupi baadae akitokea benchi kiungo Mudathiri Yahaya akaisawazishia Azam.
Dakika ya 74, mshambuliaji Ramadhan Singano ‘Messi’ alikata mzizi wa fitna na kuifungia Simba goli la pili na la ushindi, na mpaka mwamuzi anapuliza kipenga ubao wa matokeo ulikuwa unaonyesha – Simba 2-1 Azam FC.

Uchambuzi wa Zitto Kabwe: Yaliyojificha Kuporomoka Kwa Shilingi Dhidi ya Dola ya Marekani

Na Zitto Kabwe,Mpekuzi.
Katika ukurasa wangu wa facebook mnamo tarehe 25 Aprili 2015 niliandika kuhusu sababu za shilingi kuporomoka thamani na majawabu ya namna ya kurejesha thamani halisi ya sarafu yetu.

Nilieleza “Shilingi kuporomoka dhidi ya dola na kuvuka Dola 1 sawa na Sh2,000 kunasababishwa na sababu kadhaa:-

(1) Woga wa uchaguzi na hivyo Dola nyingi kutoingia nchini (FDI) kusikilizia Serikali ijayo inaundwaje.

(2) Woga wa uchaguzi na hivyo matajiri kununua dola kwa kasi (too many Tshs chasing too few $) ili kuzificha (hoard) nje.

(3) kutouza mazao nje na kuagiza bidhaa nyingi kutoka nje ( current account deficit).

(4) Benki Kuu kutoachia Dola nyingi kwenye soko kutokana na akiba ya fedha za kigeni kupungua.

(5) Kuongezeka kwa huduma ya Deni la Taifa na malipo ni kwa fedha za kigeni kwa madeni yaliyoiva.

Niliendelea kushauri majawabu “Suluhisho:
(1) Benki Kuu kuachia Dola za kutosha kwenye soko katika muda mfupi na wa kati (Februari BoT ilifanya hivi na kuongeza Dola 64 milioni kwenye soko bila mafanikio

Kuongeza mauzo nje hasa ukizingatia kwa sasa ‘our exports becomes cheaper vis a vis foreign exchange)

3) Malipo ya kodi ya Ongezeko la Mtaji kutoka BG (Shell transaction ) na Ophir (Pavilion transaction), malipo haya kwa fedha za kigeni

4) Punguza kununua vitu vya anasa kutoka nje

5) Unafuu wa huduma kwa Deni la Taifa ( Debt relief )

6) Punguza ujazo wa fedha nchini (mop tshs out)”.

Mjadala mkali umeendelea kuhusu suala hili katika majukwaa mbalimbali. Ni dhahiri kuporomoka kwa shilingi kunaathiri sana Watanzania wa ngazi ya kati hasa wafanyabiashara wa kati wenye kununua huduma na bidhaa kutoka nje.

Wenye viwanda wanaotegemea malighafi kutoka nje gharama zao za uzalishaji zimeongezeka zaidi na hivyo kuhatarisha uzalishaji mali nchini.

Licha ya kwamba kuporomoka kwa shilingi kunafanya bidhaa zetu za kuuza nje kuwa rahisi, lakini huchukua muda kuzalisha bidhaa hizo na hasa kilimo kuweza kufaidika hali hiyo.

Kwa hiyo ni faida kwa nchi kwa sasa kuwa na sarafu stahimilivu (stable) iliyojengwa kwenye misingi imara ya uchumi.

Hata hivyo, inaonekana kuwa sarafu ya Tanzania inahujumiwa. Kuporomoka kwa Shilingi katika wiki za hivi karibuni siyo matokeo ya nguvu za soko bali ni matokeo ya hujuma ( currency manipulations).

Benki kubwa za kigeni nchini, inasemekana, katika miezi ya karibuni zimefanya currency manipulations na kupelekea dola chache kukimbizwa na shilingi nyingi na hivyo bei ya dola kupanda.

Hii inatokana na ukweli kwamba benki zetu kubwa tatu zinazoongoza, zinaendeshwa na wageni. Inasemekana biashara hii hufanyika kati ya matawi ya benki za kigeni hapa nchini na makao makuu yao.

Kuporomoka kwa shilingi kunakotokea hivi sasa hakuendani na kuporomoka kwa miaka ya nyuma kipindi kama hiki (ambacho kwa kawaida ni miezi shilingi hushuka thamani kwa sababu ya watalii kuwa wachache na mauzo ya bidhaa nje kuwa madogo sana).

Wastani wa miaka 10 iliyopita inaonyesha kuwa kipindi hiki shilingi hushuka kwa kati ya asilimia nane hadi asilimia 13 na siyo kuporomoka kwa zaidi ya asilimia 20 kulikotokea hivi sasa.

Kwa mfano mwaka 2011 miezi kama hii (Februari – Mei) Shilingi iliporomoka kutoka Sh1,380 kwa dola moja hadi Sh1,570 sawa na mporomoko wa asilimia 12.

Hata hivyo kuanzia mwaka huo hadi mwaka 2014, shilingi imekuwa ikishuka thamani kwa kiwango kidogo sana. Mwaka 2013 thamani ya shilingi ilishuka kwa wastani wa asilimia 1.7.

Uchambuzi huu wa thamani ya sarafu yetu unaonyesha kuwa kuna zaidi ya nguvu ya soko kunakotokana na mauzo yetu nje kuwa machache.

Vilevile kupanda kwa thamani ya Dola ya Marekani duniani hakutoshi kuelezea mporomoko huu wa kasi wa shilingi kuanzia Desemba mwaka 2014 mpaka sasa. Tuhuma za benki kuwa zinahujumu shilingi (currency manipulations) zaweza kuwa na ukweli.

Vilevile, inasemekana kumekuwa na utoroshwaji mkubwa wa dola kutoka nchini kwenda nje ya nchi. Utoroshaji huu unafanyika kupitia wasafiri wanaopita VIP Uwanja wa Ndege wa Kimataifa wa Julius Nyerere Dar es Salaam.

Utoroshwaji huu unatokana na hofu isiyo ya msingi kwamba uchaguzi utakuwa na vurugu. Utoroshwaji wa fedha ni kinyume sheria zetu. Sheria zetu za fedha za kigeni zinazuia mtu kubeba zaidi ya Dola 10,000 za Marekani zikiwa taslimu, kuingia nazo nchini au kutoka nazo nchini.

Utafiti wa haraka unaonyesha kuwa huu umekuwa ni utaratibu wa kawaida kila mwaka wa uchaguzi tangu mfumo wa vyama vingi uanze.

Benki Kuu ya Tanzania inapaswa kuchukua hatua zifuatazo;

Kufanya uchunguzi wa kushtukiza mara moja kwa benki zote za kigeni zilizopo hapa nchini. Uchunguzi huu utazame biashara ya fedha za kigeni ya benki hizi kwa lengo la kuzuia ‘currency manipulations’ na kuchukua hatua madhubuti dhidi ya benki yeyote itakayokutwa imehujumu biashara ya fedha za kigeni kwa lengo la kushusha thamani ya shilingi dhidi ya Dola za Marekani.

Polisi na Kitengo cha Kuzuia Utoroshaji wa Fedha (anti money laundering unit) kufanya ukaguzi wa lazima wa watu wote wanaosafiri kwenda nje ikiwamo wanaopita sehemu ya watu mashuhuri (VIP Lounge) ili kudhibiti utoroshaji wa fedha za kigeni kwenda ughaibuni.

Watanzania tufikirie upya nafasi ya benki zetu katika uchumi wa nchi na kufanya maamuzi magumu ya kurejesha baadhi ya Benki katika umiliki mpana zaidi wa Watanzania.

Kwa malengo ya muda wa kati, Benki kubwa 3 nchini ilazimu kuwa na umiliki unaozidi asilimia 51 wa Watanzania. Bila ya kushika mabenki nchi itachezewa sana.

Suluhiho la kudumu la sarafu stahimilivu ni kuongeza uzalishaji wa bidhaa za kuuza nje ya nchi na kupunguza manunuzi ya bidhaa kutoka nje.

Urari wa Biashara wa Tanzania umepanuka kutoka Dola 1 bilioni mwaka 2004 hadi Dola 6 bilioni mwaka 2013 (BoT 2013) kutokana ununuzi wetu nje kukua kwa kasi kutoka Dola 2.5 bilioni hadi Dola 11 bilioni wakati mauzo yetu nje yakikua kwa kasi ndogo kutoka Dola 1.4 bilioni hadi Dola 5 bilioni katika kipindi hicho.

Isingekuwa uimara katika urari katika uwekezaji na uhamisho wa mitaji, Tanzania ingekuwa na sarafu yenye thamani sawa na takataka. Serikali ihimize uzalishaji mali mashambani na viwandani na kuuza nje biadhaa zilizoongezwa thamani. Zama za kutegemea dhahabu zimekwisha na siyo endelevu. Turudi kwenye misingi bidhaa za kilimo na viwanda.

Tutaendelea kufuatilia thamani ya shilingi hadi Julai na ndipo kipindi kigumu kwa shilingi huwa kihistoria. Hatua zilizoainishwa zisipotazamwa na mamlaka tajwa thamani ya shilingi dhidi ya Dola ya Marekani yaweza kufikia Sh3,000.

posted by rashid hamza

Hat-trick nyingine kwa Cristiano Ronaldo…

Mwanasoka bora duniani Cristiano Ronaldo ameendelea kuudhihirishia ulimwengu kwamba yeye ni bora zaidi ya wengine baada ya jana kuisaidia timu yake ya Real Madrid kuibuka na ushindi mnono ikiwa ugenini.

Ukiwa ni ushindi wake wa 29 tangu ajiunge na Real Madrid nyota huyo aliweza kufunga hat-trik katika mechi dhidi ya Sevilla na kuisaidia Madrid kushinda kwa mabao 3-2 kwenye uwanja wa Roman Sanchez Pizjuan.

Ushindi huo unaifanya ifikishe pointi 85 na kuisogelea FC Barcelona ikiwa na tofauti ya pointi mbili baada ya zote kucheza mechi 35.

David Beckham alivyosherehekea miaka yake 40 Morocco…(Pichaz)!!

Siku ya jana mkongwe wa soka duniani David Beckham alitimiza miaka 40 ya kuzaliwa na kuamua kufanya sherehe ya kumbukumbu hiyo katika mji wa Marrakech, Morocco.

Sababu ya kuuchagua mgahawa wa Amanjena Resort uliopo Morocco kusherehekea miaka yake, umetokana na kuchagua sehemu hiyo kurudia viapo vya ndoa yao katika eneo hilo miaka saba iliyopita.

Akiwa na familia yake pamoja na baadhi ya marafiki zake wakiwemo waliocheza nao enzi hizo mkongwe huyo alijumuika na kufuriji ka pamoja na katika kuhitimisha furaha yake aliandika ujumbe wa kumshukuru mke wake Victoria Beckham kwa kumfanyia siku hiyo muhimu kwake.

YouTube kwa kubonyeza hapa >>>Videos ili kila video ya AyoTV ikufikie.

Davido kashirikishwa na Orezi kwenye hii Remix ‘Shuperu’ …(Video)

Davido amefanya vizuri sana kupitia industry ya muziki Afrika hasa nchini kwake Nigeria na ni mmoja wa wasanii wadogo ambaye amejipatia umaarufu mkubwa kupitia zake zake.

Orezi ambaye moja ya nyimbo iliyomtambulisha ni ‘Shoki’ kaamua kurudi tena na kutoa remix ya wimbo wake ‘Shuperu’ na kuamua kumshirikisha mkali wa Nigeria Davido, ambapo Video imefanyika Nigeria chini ya Paul Gambit.

Nakukaribisha hapa kuitazama.

INGIA MIILARDAYO.COM

Madereva bodaboda hatarini kupungukiwa nguvu za kiume

WAFANYABIASHARA wadogo na waendesha bodaboda wanaofanya biashara zao kwenye njia kubwa za kusafirishia umeme wapo hatarini kupungukiwa nguvu za kiume.

Kutokana na kuwepo wengi kwenye njia hizo kubwa za kusafirishia umeme, wametahadharishwa kutoendelea kufanya biashara kwenye maeneo hayo.

Hayo yalibainishwa jana na Ofisa Mahusiano Msaidizi huduma kwa wateja wa Tanesco Mwanza, Haji Bwegege wakati akizungumza na waandishi wa habari baada ya uzinduzi wa maonyesho ya siku ya wafanyakazi uliofanywa na Mkuu wa mkoa wa Mwanza, Magesa Mulongo kwenye viwanja vya Furahisha, jijini hapa.

“Tumekuwa tukiielimisha jamii mara kwa mara kutofanya biashara kwenye njia ya umeme mkubwa unaopita kutokana na madhara wanayoweza kuyapata na hii ya kupungukiwa nguvu za kiume ni moja ya madhara ambayo yanaweza kuwapata hivyo wachukue tahadhari mapema,” alisema.

Aliyataja madhara mengine kuwa pamoja na mwili kupoteza nguvu kutokana na mionzi hivyo wananchi kutakiwa kuishi umbali wa mita 30 kila upande pamoja na mjamzito kuharibu mimba.

Akizungumzia suala la ‘Vishoka’, Bwegege aliwataka wananchi wasikubali kuuziwa fomu majumbani kwani fomu za kuomba kuunganishiwa umeme hutolewa ofisini tu ama pale maofisa wao wanapotembelea vijijini wakiwa na vitambulisho na kutoa risiti.

“Mnatambua kuwa miradi ya umeme vijijini inaendelea ya Wakala wa Umeme Vijijini (REA) na Electricity five (F5) hivyo vishoka kutumia nafasi hiyo kuwarubuni wananchi ambapo wamekuwa wakifika vijijini na kuwauzia fomu kati ya Sh 60,000 na 100,000 wakati bei halisi ya fomu ni Sh 5,900 tu,”alisema.

Alisema vishoka hao wamekuwa wakijitokeza katika maeneo ya vijijini ambapo miradi hiyo imekuwa ikiendelea na kwamba kama Tanesco wamekuwa wakiendelea kutoa elimu kwa wananchi kwa kufanya mikutano ya hadhara na kuwataka wananchi wajiandikishe kwenye ofisi za serikali za vijiji.

Bwegege alisema chini ya miradi ya wakala wa umeme vijijini, wananchi wanaozungukwa na mradi hutozwa Sh 27,000 kama gharama ya kuungiwa umeme.

Alisema wameshiriki katika maonesho hayo ili kutoa elimu kwa jamii juu ya shughuli zao na kwamba huduma zote zinazotolewa ofisini zinatolewa uwanjani hapo.

Taarifa Muhimu Kutoka CHADEMA

Taarifa inatolewa kwa vyombo vya habari kuwa kuwa Kamati Kuu ya Chama, chini ya Mwenyekiti wake Freeman Mbowe, itakutana Mei 3-4, katika kikao chake cha kawaida kwa mujibu wa Katiba ya Chama.

Katika kikao hicho cha siku mbili kitakachofanyika jijini Dar es Salaam, pamoja na masuala mengine ya kitaifa kuhusu hali ya kisiasa nchini kwa ujumla na mengine mahsusi yanayohusu uendeshaji wa chama, KK itapokea taarifa, kujadili na kufanya maamuzi kuhusu;

1. Maandalizi ya Chama kuelekea Uchaguzi Mkuu utakaofanyika Oktoba mwaka huu.

2. Taarifa ya ziara ya mafunzo kwa timu za kampeni, viongozi wa serikali za mitaa na chama, kukiandaa chama kushinda
dola na kuongoza serikali baada ya uchaguzi mkuu wa mwaka huu.

3. Taarifa za utendaji wa chama kupitia kanda zote 10, Tanganyika na Zanzibar.

4. Taarifa ya maendeleo ya mikakati ya kushiriki uchaguzi mkuu kwa kushirikiana na vyama 4 vinavyounda UKAWA.

5. Taarifa za mwenendo wa shughuli ya uandikishaji wa wapiga kura (upya) katika daftari la kudumu kwa teknolojia ya Biometric Voters Registration (BVR) na hatma ya Uchaguzi Mkuu unaotarajiwa kufanyika mwaka huu.

Imetolewa Jumamosi, Mei 2, 2015 na;

Tumaini Makene

Mkuu wa Idara a Habari na Mawasiliano-CHADEMA

Vurugu Burundi: Wakimbizi 800 Waingia Nchini

WAKIMBIZI 800 kutoka nchini Burundi wameingia nchini kupitia mkoani Kigoma huku wengine 87 wakirejeshwa nchini mwao baada ya kuingia nchini kwa kupitia wilayani Ngara mkoani Kagera.

Msemaji wa Wizara ya Mambo ya ndani ya Nchi, Isack Nantanga alisema wakimbizi hao wameingia nchini kwa makundi madogo madogo na watahifadhiwa kwa muda katika kambi ya wakimbizi ya Nyarugusu.

Akizungumza na mtandao huu jana,Nantanga alisema wakimbizi wanaofikia 800 wameshaingia nchini huku walioingia kupitia mkoani Kagera ilibidi warejeshwe walipotoka kutokana na kukiuka sheria za kimataifa kwa wakimbizi kuingia nchi nyingine wakivuka nchi moja.

Walianzia Rwanda.

Alisema hawapokei wakimbizi wanaotokea Rwanda kutokana na kuwa sheria za kimataifa haziruhusu wakimbizi kuvuka nchi moja ndiyo maana waliwarejesha wakimbizi hao.

Alisema kati ya wakimbizi hao waliopokelewa mkoani Kigoma wameingia kupitia vijijini ambapo serikali za vijiji wanawapokea na kuwahoji kisha kuwapeleka kigoma mjini kwenye kituo maalum.

Alisema serikali za vijiji na wilaya kwa kushirikiana na halmshauri wamekuwa wakaifanya kazi ya kuwahoji kujua sababu hasa ya kuwafanya wakimbilie nchini humu kwani isije kutumika vurugu za Burundi watu kuingia nchini.

“Serikali kwa kushirikiana na Shirika la umoja wa mataifa la kuhudumia wakimbizi (UNHCR) baada ya kuwahoji na kuwapa misaada muhimu wanaobainika kupata hifadhi wana mpango wa kuwapeleka kwenye kambi ya Nyarugusu kwa muda,”alisema.

Msemaji huyo alisema baada ya kuhifadhiwa katika kambi hiyo mipango inaendelea kufahamu njia nyingine za kuwahifadhi.

Kutoka Kigoma
Mratibu wa idara ya wakimbizi ya Wizara ya Mambo ya ndani kanda ya Magharibi Kigoma,Tonny Laiser amesema kuwa wakimbizi hao wameanza kuingia mkoani Kigoma wakipitia maeneo tofauti ya mpaka kati ya mkoa huo na nchi ya Burundi.

Wengi wa wakimbizi hao wametokea mji wa Bujumbura na wameingia Kigoma kwa usafiri wa boti kupitia bandari ndogo ya Kibirizi mjini Kigoma.

Inaelezwa kuwa kundi kubwa la wakimbizi liliingia nchini juzi katika mpaka wa Tanzania na Burundi kwenye kijiji cha Kagunga mwambao wa kaskazini wa ziwa Tanganyika ambapo kundi la wakimbizi 200 waliingia kupitia kijiji hicho.

Tayari wakimbizi 68 ambao waliingia na kufikia kambi ya muda ya NMC kibirizi mjini Kigoma wamepelekwa kwenye kambi ya Nyarugusu wilayani Kasulu ambayo kwa sasa ndiyo kambi pekee mkoani Kigoma inayohifadhi wakimbizi.

Akizungumzia kuingia kwa wakimbizi mkoani humo Mkuu wa mkoa Kigoma, Issa Machibya alisema kuwa wameanza kupokea wakimbizi kutoka vijiji mbalimbali vya wilaya za Buhigwe,Kasulu na Kibondo ambao wanakimbia hali ya machafuko nchini Burundi.

Machibya alitaja maeneo ambayo hadi sasa yamekuwa yakipokea wakimbizi hao kuwa ni pamoja na Kijiji cha Kagunga wilaya ya Kigoma, Muyama,Kibande na Kilelema ambavyo vyote vipo katika wilaya ya Buhigwe mkoani Kigoma.

Kuingia kwa wakimbizi wa Burundi nchini Tanzania kunatokana kuanza kwa machafuko nchini humo kati ya wananchi wanaopinga kitendo cha Rais wa nchi hiyo, Pierre Nkurunzinza kuongoza muhula wa tatu wa uongozi dhidi ya polisi na wanajeshi wanaomtii raisi huyo.

Kwa siku mbili mfululizo kumekuwepo na taarifa za kuchomwa mwa mabasi mawili ya abiria na moja kulipuliwa kwa bomu la kurushwa kwa mkono huku kukiwa na vifo vya watu kadhaa kutokana na makabiliano ya waandamanaji na polisi.

Wageni wamekuwa wakizuiliwa kuingia mji mkuu wa Burundi, Bujumbura ambako kwa kiasi kikubwa maandamano ya kupinga hatua ya Rais Nkurunzinza kuongoza muhula wa tatu yanaendelea ambapo kwa sasa maandamano hayo yameanza kusambaa mikoa ya jirani na mji Mkuu wa Bujumbura.

Kwa upande wa wilaya ya Ngara, Mkuu wa wilaya ya Ngara, Costantine Kanyasu amesema Serikali ya Tanzania imewarejesha wakimbizi 87 waliotokea Burundi kwa madai kuwa wamekimbia mapigano ya wenyewe kwa wenyewe.

Wamerejeshwa kutokana na kutofuata taratibu za kuomba hifadhi ya ukimbizi. Aliuambia mtandao huu jana mjini Ngara kuwa kuanzia Aprili 29 mwaka huu mpaka Mei mosi waliingia wakimbizi 87 kutoka Burundi kupitia njia za panya bila kufuata utaratibu ambapo walipokamatwa na kuhojiwa walidai wanakimbia mapigano yanayoendelea nchini mwao.

“Tulipopata taarifa tuliwasaka na kuwakamata kisha tukawasiliana na Serikali yao ambapo walituhakikishia usalama wa watu wao na kutuomba tuwarejeshe nchini mwao kwa sababu hali ni shwari na sisi jana tuliwarejesha kwao ambapo walipokelewa na uongozi wa Serikali yao,”alisema Kanyasu.

Alisema baada ya kuwarejesha makwao hakuna taarifa nyingine za kuonekana wakimbizi wakiingia wilayani huo kwani wananchi kwa kushirikiana na kamati ya ulinzi na usalama wanahakikisha kila anayejipenyeza wanamtambua na kutoa taarifa.

UGAIDI Watikisa Tena Morogoro......Watu Watano Wajeruhiwa Kwa Bomu, Vijana Wawili Wanaswa Na Kutoroka Kimafia

Mpekuzi blog

WATU watano akiwemo dereva wa gari linalotumiwa na Mwenyekiti wa Halmashauri ya wilaya ya Kilombero, David Ligazio ,Novatus Ngope (47), wamejeruhiwa vibaya na shambulio la kitu kinachodhaniwa ni bomu la kutupwa na mkono kutoka kwa watu wawili wasiofahamika walipokuwa kwenye sherehe za Siku ya Wafanyakazi Duniani juzi.

Bomu hilo liliwajeruhi watu hao walipokuwa kwenye maadhimisho hayo yaliyofanyika katika kijiji cha Msolwa Ujamaa ,Kata ya Sanje ,wilayani Kilombero, mkoani Morogoro.

Dereva huyo anayeishi Ifakara anayeendesha gari la halmashauri lenye namba za usajili SM 10632 na wenzake baada ya kulipuliwa na bomu walikimbizwa Kituo cha Afya cha Nyandeo kilichopo Tarafa ya Kidatu ,baadaye walihamishiwa Hospitali Mtakatifu Kizito iliyopo Mikumi,wilayani Kilosa.

Mkuu wa wilaya ya Kilombero, Lephy Gembe alithibitisha jana kwa njia ya simu alipozungumza na mwandishi na kusema tukio hilo lilitokea majira ya saa 2:00 usiku wa Mei Mosi mwaka huu eneo la Kijiji cha Sanje.

Alisema vijana wawili wanaotuhumiwa kurusha mlipuko huo baada ya kuwajeruhi watu hao watano, walifanikiwa kukimbia kutoka eneo la tukio na Polisi inaendelea kuwasaka ili watiwe nguvuni.

Hata hivyo alisema, bado mpaka sasa taarifa kamili kuhusu chanzo na mazingira yake hakijafahamika na kwamba timu ya askari iliwasili eneo la tukio kwa ajili ya kukusanya taarifa na kuwasaka wahalifu hao.

Alisema inawezekana huo ni muendelezo wa matukio ya kihalifu kufuatia kukamatwa kwa watuhumiwa 12 waliokutwa na milipuko hatari na vitu mbalimbali zikiwemo sare za Jeshi la Wananchi wa Tanzania(JWTZ)Aprili 14, mwaka huu katika Kata hiyo ya Kidatu, wilayani Kilombero.

"Ni wiki chache zilizopita tumewakamata watu 12 na milipuko hatari na sare za jeshi , inawezekana kundi hili la kihalifu ni kubwa na wengine wameendelea kujificha msituni,” alisema Mkuu wa wilaya.

Tukio la mlipuko huo umetokea karibu na eneo ambapo hivi karibuni ,Polisi iliwakamata watu kumi wakiwa na milipuko 30,sare za jeshi ,majambia, risasi ,bendera zenye maandishi ya lugha ya kiarabu ,vitabu na madaftari wakiwa ndani ya msikiti wa Suni, Kidatu wilayani humo.

Kwa mujibu wa Mkuu wa wilaya hiyo, katika tukio hilo watu hao waliojeruhiwa ni pamoja dereva wa gari la halmashauri ya wilaya ambalo linatumiwa na Mwenyekiti wake.

“Pamoja na kumjeruhi dereva huyo pia gari limevunjwa kabisa kioo cha nyuma na kupasuliwa cha mbele kutokana na mlipuko huo,” alisisitiza Mkuu wa wilaya.

Hata hivyo alisema, timu ya maofisa wa vyombo vya ulinzi na usalama vya wilaya hiyo tayari vimelekea eneo la tukio hilo kwa ajili ya kufanya uchunguzi wa kina.

Naye Mwenyekiti wa Halmashauri hiyo, Ligazio , akielezea tukio hilo alisema kuwa siku hiyo alikuwa mgeni rasmi kwenye maadhimisho ya siku ya wafanyakazi ngazi ya kata ya Sanje, akiwa ni diwani wa kata hiyo.

Kwa mujibu wa Mwenyekiti huyo wa halmashauri, muda mfupi baadaye alikuja Mwenyekiti wa kitongoji hicho Joseph Mhenga akiambatana na vijana wawili .

Hata hivyo alisema, mwenyekiti huyo wa kitongoji kabla ya kufikishwa kwake alishawahoji walipotokea na walionekana si wenyeji wa eneo hilo kufuatia hofu walizokuwa wakizionesha.

Hata hivyo alisema vijana hao waliletwa kwake na mwenyekiti huyo wa kitongoji ili kutaka ushauri kuhusu vijana hao na alimwambia vijana hao wafikishwe katika kituo cha Polisi Kidatu kwa utaratibu mwingine wa kipolisi.

Kabla ya kupelekwa kituoni , vijana hao walifanyiwa upekuzi na askari wa mgambo, Thomas Manjole(54) ,mkazi wa Msolwa na walibainika kuwa na bomu.

Hata hivyo alisema , vijana hao walilitoa bomu hilo kiunoni na kulirusha kwenye gari la halmashauri ambalo linatumiwa na Mwenyekiti wa halmashauri hiyo.

Bomu hilo lilipolipuka likamjeruhi dereva wake aliyekuwa ndani ya gari pamoja na wengine wanne akiwemo askari mgambo.

Kwa mujibu wa Mwenyekiti wa halmashauri hiyo ambaye hakuwemo ndani ya gari aliwataja majeruhi hao ni dereva wake ,askari mgambo alikuwa akiwapekuwa vijana hao, Amos Msopole(29) na Azama Naniyunya(59) wote wakazi wa Kijiji cha Msolwa Ujumaa.

Kwa upande wake Ofisa Mtendaji wa Kata ya Sanje , Hawa Ndachuwa ,alidai siku ya tukio watu wawili walikodi bodaboda kutoka Kata ya Kidatu na kuomba wapelekwe eneo la Kata ya Mkula .

Hata hivyo alidai kuwa, walipofika Msolwa Ujamaa, dereva wa bodaboda aliwashuku watu hao na kutaka aongezewe fedha za malipo kwani mapatano hayakulingana na umbali.

Alisema watu hao walikubali kumuongezea fedha na walimwomba kuwaonesha sehemu ya kutolea fedha na kuwapeleka eneo la kutolea fedha na kwamba mwendesha bodaboda huyo aliamua kuuarifu uongozi wa serikali ya kitongoji hicho.

Kwa mujibu wa Ofisa Mtendaji wa Kata hiyo, baada ya wananchi kuwaona watu hao walipatwa na mshtuko kutokana na mavazi waliyovaa na kisha kuwaweka chini ya ulinzi na kuanza kuwapekua na ulifanyika chini ya ulinzi wa askari mgambo wa kijiji.

Hivyo alisema, wakati wanaendelea kupekuliwa, mtuhumiwa mmoja alikutwa na viberiti vya gesi na wakati upekuzi ukiendelea mtuhumiwa mwingine aligoma kutoa ushirikiano hali iliyowatia hofu zaidi wananchi ambapo walimwona akiwa na kitu amekihifadhi kiunoni.

Ofisa Mtendaji huyo alisema, wakati wanaendelea kupekuliwa mtuhumiwa wa kwanza alifanikiwa kukimbia na wakati wanajiandaa kumdhibiti wa pili alitoa kitu kama bomu na kurusha lilipo hilo gari la mwenyekiti na kutoa mlipuko mkubwa na yeye pia kutoroka.

Kutokana na mlipuko huo , askari mgambo Manjole ndiye alijeruhiwa vibaya kwa kuvunjika mguu na mkono huku dereva wa mwenyekiti Novatus akiumia begani na wote wanne kuchukuliwa na kupelekwa katika kituo cha afya cha Nyandeo .

Hata hivyo alisema , Polisi walifika eneo la tukio na kuwasiliana na wataalamu wa Jeshi la Wananchi (JWTZ) waliopo eneo ya Kidatu ili kubaini bomu hilo huku wakiendelea kuwasaka watuhumiwa.

Naye Mganga Mfawidhi wa Hospitali ya Mtakatifu Kizito, Maximilian Mwenda, alithibisha kupokea majeruhi wanne wa tukio hilo, kati yao mmoja akiwa na hali mbaya ambapo wengine wanaendelea kupatiwa matibabu na hali zao zinaendelea vyema.

Floyd Mayweather Amchapa Manny Pacquiao

Mpekuzi blog

BONDIA wa Marekani, Floyd Mayweather amemchapa mpinzani wake raia wa Ufilipino, Manny Pacquiao kwa pointi katika mpambano wao wa karne uliopigwa Ukumbi wa MGM Grand jijini Las Vegas leo asubuhi.