KIGOMA - Tanzania Entertainment News,Politics News ...

Thursday, July 16, 2015

Mhindi Aliyekamatwa na Milioni 700 Dodoma Arudishiwa Fedha zake

Jeshi la polisi mkoani Dodoma limekanusha taarifa zilizozagaa kuhusiana na Raia wa Asia kukamtwa na fedha zaidi ya sh. m.700 kwa madai ya kuwahonga wajumbe wa mkutano mkuu wa CCM ili wamchague mmoja kati ya waliokuwa wanawania nafasi ya Urais

Kwa mujibu wa taarifa iliyotolewa kwenye vyombo vya habari na kamanda wa polisi mkoani hapa, David Misime mtu huyo aliyejulikana kwa jina la Amit Kevalramani aliyekamatwa juma lililopita kwenye hoteli ya St Gaspar mjini hapa ni mganyabiashara wa mazao ya nafaka ni siyo mpambe wa wanachama wa CCM waliokuwa wanawania Urais.

Misime amesema mnamo siku ya Julai 11 mwaka huu majira ya saa 4 asubuhi kuna baadhi ya wananchi walitoa taarifa kwa jeshi la polisi kwamba kuna mtu mmoja mwenye asili ya Kiasia amekamatwa na wananchi akiwa na fedha nyingi na kuna vurugu kubwa katika hotel ya St Gaspar.

“Baada ya kupata taarifa hizo Jeshi la Polisi mkoani hapa lilifika eneo la tukio ili kuona kama taarifa hizo ni za kweli, askari walithibitisha kuwa ni kweli, walimkuta mtu mmoja mwenye asili ya Kiasia ambaye alijulikana kwa jina la Amit Kevalramani (31), Mhindi, Mfanyabiashara, Mkazi wa Dar es Salaam akiwa na fedha kiasi cha sh. 722 milion ambacho alipohojiwa alisema kuwa Julai 10 mwaka huu alifika Dodoma kwa ajili ya ununuzi wa mazao ya nafaka” amesema Misime na kuongeza;

“Alipofika Dodoma hiyo siku majira ya asubuhi alifikia katika Hoteli ya St. Gasper na kesho yake Julai 12 aliamua kurudisha fedha benki kutokana na kuona mkusanyiko wa watu wengi wasioeleweka na wenye viashiria vya vurugu.”

Misime alisema kuwa akiwa katika harakati ya kurejesha fedha hizo benki, ndipo kundi la watu waliokuwa katika eneo la Hoteli hiyo ya St. Gaspar walimtilia mashaka na kumzuia asiondoke na ndipo taarifa zilitolewa polisi.

Alisema mashaka ya watu hao yalitokana na vuguvugu za kisiasa na mchakato wa uchaguzi kati ya makundi mbalimbali kuwa kuna watu wanahonga wajumbe. Taarifa za aina hiyo ambazo hata Jeshi la Polisi lilikuwa limepokea bila uthibitisho.

Alibainisha kuwa uchunguzi uliofanywa na jeshi la polisi umebaini kuwa hakuna kosa la jinai lililothibitika licha ya kukutwa na kiasi hicho cha fedha, tuhuma za rushwa ambazo ndiyo zilikuwa msingi wa ukamataji wa mtu huyo hazikuthibitika, kwa kuwa hakuna aliyeona akizigawa fedha hizo wala hakuna aliyedai kushawishiwa au kugawiwa fedha hizo.

Aidha imethibitika fedha hizo ni mali yake halali na kwa kuwa hakuna ushahidi mwingine uliyo thibitisha vinginevyo amerejeshewa fedha zake.

Wakati huo huo kamanda amesema kuwa mnamo Julai 10 mwaka huu majira ya saa 21:00 eneo la Railway Dodoma jeshi la polisi lilifanikiwa kuwakamata:-

1. HERERIMANA METHODE, MIAKA 21.

2. HATUNGIMANA ALEXIS, MIAKA 20.

3. NIYONGABO JUSTIN, MIAKA 20.

4. NTETURUYE ONESPHORE MIAKA 21.

5. BIKORIMANA LEVIS, MIAKA 21 wote ni Wakazi wa Mabanda Burundi kwa kosa la kuingia nchini na kuishi nchini bila kibali.

Watuhumiwa hawa walikuwa wanasafiri na treni kuelekea Dar es Salaam na walipofika Dodoma Askari wanaosindikiza treni waliwashtukia na walipowakamata na kuwahoji walijieleza kuwa ni raia wa Burundi.

Tunaomba ushirikiano wa wananchi pale wanapoona watu ambao siyo raia wasiwakaribishe bali watoe taarifa kwa vyombo vya dola waweze kuhojiwa kwani hata kama waliingia Nchini na kuhifadhiwa katika makambi yaliyopo Nchini hawaruhusiwi kutoka kwenda mbali na kambi zao bila kuwa na kibali maalum.

Wakenya kumpokea Obama wakiwa uchi ?

Kundi la Wakenya, limejiapiza kumkaribisha rais wa Marekani, Barack Obama, nchini kwao wakiwa hawajavaa nguo ili kuonesha kuwa hawajakubaliana na kitendo cha kuruhusu mapenzi ya jinsia moja.

Obama anatarajiwa kutembelea Kenya kwa mara ya kwanza tangu kuwa rais na kutegemea kuwa na mkutano na wafanyabiashara kuanzia Julai 24-26 mwaka huu.

Kwa mujibu wa barua iliyosambazwa na kundi hilo la wakenya, imedai kuwa watafanya maandamano ya amani jijini Nairobi, Julai 22 na 23 mwaka huu kuanzia Uhuru kona.

Wamedai kuwa maandamano hayo yatafanywa na wanawake pia wanaume takriban 5,000 wakiwa watupu bila nguo yoyote kupinga Umoja wa nchi za Amerika kupitisha sheria ya mashoga kutambuliwa kisheria.

Wamesema lengo kuu la maandamano wakiwa uchi ni kumuonesha na kuelewesha rais Obama, utofauti uliopo kati ya wanawake na wanaume.

Wiki iliyopita, Wakenya hao walienda katika mitaa kuandamana wakimuonya rais Obama, kutothubutu kuzungumzia suala la haki za mashoga kwenye ziara yake ya kutembelea nchi hiyo.

Mbunge Charles Njagagua, pia aliwataka wabunge kumfukuza Obama, nje ya Bunge mara moja akigusia haki za mashoga.

Naye Makamu wa rais nchini Kenya, William Ruto, hivi karibuni alinukuliwa na vyombo vya habari akiwaambia wananchi wake kuwa wamesikia kuwa Marekani wameruhusu uhusiano wa mashoga na mambo mengine yasiyo na maadili na kuwataka viongozi wa dini kutetea nchi yao na kusimamia imani ya nchi yao.

Wednesday, July 15, 2015

Atakayewataja Watu Walioteka Kituo na Kuua Polisi Atapewa zawadi ya Milioni 50

Jeshi la polisi nchini Tanzania limetangaza kutoa zawadi ya shilingi za kitanzania million 50 kwa mtu yeyote mwenye taarifa za uhakika na za haraka zitakazofanikisha kuwakamata wote waliovamia kituo cha polisi stakishari na kuua askari na raia waliokuwa katika kituo hicho usiku wa kuamkia jana.

Akitoa tarifa mbele ya wanahabari kamishna wa polisi kanda maalum ya Dar es Salaam Suleimani Kova amesema kuwa kupitia dhana ya polisi ya ulinzi shirikishi mkuu wa jeshi la polisi IGP Ernest Mangu ameona ni muhimu kuwashirikisha wananchi kikamilifu katika suala hili linalohusiana na ulinzi na usalama wao na watanzania wote kwa ujumla.

Jeshi hilo limesema kwamba Mtu yeyote atakaye atakayefanikisha kukamatwa ikiwemo kutoa taarifa sahihi kwa viongozi wakuu wa jeshi la polisi atajipatia zawadi hiyo bila hiyana.

Namba za kupiga kama unazo taarifa sahihi ni hizi zifuatazo;

KAMISHNA WA POLISI KANDA MAALUM (CPS.H KOVA) —–0754034224

MSEMAJI WA JUESHI LA POLISI (SSP ADVERA BULIMBA)—–0713631667

MKURUGENZI WA MAKOSA YA JINAI (CP DIWANI ATHMAN)—-0715323444

Aidha wananchi wenye taarifa husika pia wanaweza kuonana uso nkwa uso na viongozi wakuu wa makao makuu ya polisi au kanda maalum na kuwapa taarifa moja kwa moja

Jeshi hilo limesisitiza kuwa mwananchi ambaye ataleta taarifa husika na kufanikisha zoezi hilo itakuwa siri kubwa na hatajulikana popote kama yeye ndiye mtoa taarifa husika.

Matokeo ya Ualimu 2015 Nayo Yako Hewani

Mpekuzi blog

Tafadhali bofya kwenye jina la mtihani husika kuangalia

1.DSEE

2.DTE

3.GATCE

4.GATSCCE

Tuesday, July 14, 2015

RIHANNA AONYESHA KITUKO

Posted by GLOBAL on July 14, 2015 at 11:00am 0 Comments 0 Likes

Mwanadada mrembo mwimbaji wa RnB, Rihanna.

New York, Marekani

MWANADADA mrembo mwimbaji wa RnB, Rihanna, 27,juzikati alitokelezea akiwa amevaa shati kubwa na kuonekana kituko kwa watu wengi.

Mbaya zaidi, demu huyo asiyeishiwa na vituko, alikuwa amefungua vishikizo karibu vyote vya shati hilo huku akiwa hajavaa blazia, hatua ambayo ilisababisha sehemu ya matiti yake kuonekana.
Kingine ni kwamba nguo hiyo ni ya kiume lakini kumbe alikuwa akionyesha mtindo mpya wa…

Mwanadada mrembo mwimbaji wa RnB, Rihanna.

New York, Marekani
MWANADADA mrembo mwimbaji wa RnB, Rihanna, 27,juzikati alitokelezea akiwa amevaa shati kubwa na kuonekana kituko kwa watu wengi.

DIRA YA DUNIA JUMATATU 13.07.2015

Posted by GLOBAL on July 14, 2015 at 10:07am 0 Comments 0 Likes

TAMASHA LA NCHI ZA JAHAZI 2015 KUFANYIKA NGOME KONGWE ZANZIBAR KUANZIA JULAI 18 HADI 26

Posted by GLOBAL on July 14, 2015 at 9:50am 0 Comments 0 Likes

Mjumbe wa bodi wa Tamasha la Jahazi, Fatma Allo (kulia), akizungumza katika mkutano na wadau wa filamu na wanahabari Dar es Salaam leo jioni kuhusu tamasha la nchi za jahazi litakalofanyika kuanzia Julai 18 hadi 26 mwaka huu Ngome Kongwe mjini Zanzibar.Kutoka kushoto ni Meneja wa Tamasha, Daniel Nyalusy na Ofisa Mtendaji Mkuu wa Tamasha la Jahazi, Martin Mhando.

Ofisa Mtendaji Mkuu wa Tamasha la Jahazi, Martin Mhando (kushoto), akizungumza kuhusu tamasha hilo kubwa la jahazi. Kulia ni Mjumbe wa bodi wa Tamasha la Jahazi, Fatma Allo.…