Monday, March 28, 2016

Afisa Madini Mkoa wa Geita Fabiani Mshai amewataka wachimbaji wadogo wadogo Mkoani humo kuwa wavumilivu wakati Ofisi yake kwa kushirikina Ofisi ya Mkuu wa Mkoa huo wakitafuta maeneo ya kumwaigia mawe yanayodhaniwa kuwa dhahabu maarufu kwa jina la magwangala.

Akizungumza na channel Ten kuhusu maeneo ya kumwaga mawe hayo kama walivyoagizwa na waziri mkuu amesema si kwamba Serikali imekaa kimya bali utaratibu unaendelea wa kupata maeneo yaliyo salama.

Amesema maeneo yote ambayo hayakumilkiwa na watu wameyachukua na utafiti unafanyika ili kubaini kama kuna dhahabu ili waweze kuwapa maeneo hayo wachimbaji wadogo.

Juzi wachimbaji wa Mgusu walifanya mkutano baada ya eneo lao kufungwa na kubainisha maeneo ambayo Serikali ikiwapatia wanaweza kupata riziki na familia zao na hapa wanayabanisha.